काठमाडाैं । भानुभक्त आचार्यको २०९ औँ जन्मजयन्तीका अवसरमा आज पानीपोखरीस्थित भानुभक्त मेमोरियल विद्यालयले प्रभातफेरीको आयोजना गरेको छ ।

प्रभातफेरीमा नगरपरिक्रममासहित पानीपोखरीस्थित भानुभक्त मेमोरियल विद्यालयमा पुगी भानुभक्तको शालिकमा माल्यार्पण गर्दै श्रद्धाञ्जलि व्यक्त गरिएको छ ।

विभिन्न भेषभुषा सहित विद्यालयका छात्राछात्राहरुले भानुभक्तका विभिन्न कृतिहरु समेत वाचन गरेका थिए । सो अवसरमा विद्यालयका विद्यार्थी शिक्षक, कर्मचारीको उपस्थिति रहेको थियो ।

कार्यक्रममा नेपाली भाषा साहित्यमा भानुभक्तको योगदानको समेत चर्चा भएको छ ।