spot_img

बेलायतबाट एन.आर.एनलाई रवि लामिछानेको सुझाव – “चुनाव जित्न नेताको घर नधाउनुस्”



 

लण्डन संवाददाता

चार दिने बेलायत भ्रमणमा रहेका रास्वपाका सभापती रबि लामिछानेले गैर्‍ह आवासिय संघका प्रतिनिधीलाई नेताको घरमा धाएर आफुलाई चुनाव जिताउनका निमित्त अनुरोध नगर्न सल्लाह दिएका छन् ।
गत गत मंगलवार बेलायतको अल्डरशट स्थित एम्पायर हलमा आयोजित खुल्ला छलफल तथा अन्तर्कृया कार्यक्रम मा सहभागीहरुको जिज्ञासालाई सम्बोधन गर्दै लामिछानेले एन आर एनमा दुईचिरा देखिनु दु:खद भएको बताउँदै चुनावका बेला आफुलाई जिताईदिन एन आर एन का प्रतिनिधीहरु आफू सम्बद्ध नेताहरुको ढोका चाहर्ने गरेको देखिएको हुँदा त्यसो नगर्न अनुरोध गरेका हुन् । चुनाव “जिताईदिनको लागि हात जोड्दै अरुकोमा पुगे पनि म समक्ष भने नआईदिनु होला” उनले भने ।
कार्यक्रममा आएका नागरिकता सम्बन्धि प्रश्नको जवाफमा लामिछानेले आफू ‘एक पटकको नेपाली सँधैको नेपाली’ भन्ने कुरामा अडिग रहेको बताए । त्यस्तै बेलायतका भुपु गोर्खाहरुको सवालमा भने आफ्नो पार्टिले यस्को बिस्तृत अध्यन गरेर समस्या समाधानका लागि पहल गर्ने बताए ।

भुपु गोर्खाप्रती बेलायत सरकारले गरेको विभेदको बिरुद्धमा निरन्तर लडिरहेका धन बहादुर गुरुङ्ग र ज्ञानराज राईले लामिछानेलाई ज्ञापन पत्र समेत बुझाएका थिए । त्यस्तै एन आर एन का अभियन्ता रामशरण सिखडाले पनि सभापती लामिछानेलाई नागरिकता सम्बन्धी ज्ञापन पत्र बुझाएका थिए ।

स्थानिय बयोबृदा महिलाहरुले रबि लामिछानेलाई नेपाली झण्डा ओडाएर भब्य स्वागत गरेका थिए भने कार्यक्रम स्थलमा सयौंको सख्यामा स्थानियहरुको उपस्थिती रहेको थियो ।
प्रवास नेपाली सम्पर्क बिभाग युके को आयोजनामा आयोजित सो अन्तर्कृया कार्यक्रमको सभापतित्व पवन शर्माले गरेका थिए भने प्रमुख आमन्त्रितमा रास्वपा सभापती रबि लामिछाने, विशेष आमन्त्रितमा रास्वपाका सह-कोषाध्यक्ष दिपकराज बोहरा लगायत नारी टेलिभिजनकी प्रवन्धक निकिता पौडेल रहेकी थिईन् ।
खादा,माला ब्याच तथा ब्यानरको प्रयोग बिनानै संचालित सो कार्यक्रममा आसन ग्रहणको सट्टामा पदिय स्थान ग्रहण भन्ने शब्द प्रयोग गर्दै सिमित ब्यक्तिहरुलाई मात्रै स्थान ग्रहण गराईएको थियो । त्यस्तै सिमित ब्यक्तिहरुलाई मात्र सम्बोधन गर्न दिईएको सो कार्यक्रममा मन्तब्यलाई भन्दा पनि सहभागीहरुको जिज्ञासा,सल्लाह र सुझावलाई प्राथमिकता दिदै लिखित तथा मौखिक जिज्ञासाहरुलाई रास्वपा सभापती लामिछानेले सम्बोधन गरेका थिए । कार्यक्रममा रास्वपा युके बिभागका केन्द्रिय सदस्य शिव कँडेलले स्वागत सम्बोधन गरेका थिए भने कार्यक्रमको सयोजक शान्ता बहादुर गुरुङ्गले गरेका थिए ।

निक्कैनै फरक शैलीमा आयोजित सो कार्यक्रमका सहभागीहरुले आफुहरुलाई कार्यक्रमको शैली मन परेको प्रतिकृया दिएका थिए । रिडिङ्गबाट कार्यक्रममा सहभागी हुन आएका सुवाष चौलागाईले रास्वपा बिभागले गरेको कार्यक्रम तडक भडक रहित भएको र यस्तै शैलीलाई अन्य पार्टिहरुले पनि पछ्याउनु पर्ने प्रतिकृया दिए । त्यस्तै सोही कार्यक्रमा सहभागीहुन २ घन्टाको यात्रा गरि उलविचवाट आएकी गङ्गा राईले आफुलाई पनि कार्यक्रम गर्ने शैलीनै मन परेको बताईन् । अनावस्यक खर्च र नचाहिदो तडक भडक अनी आसन ग्रहण र मन्तव्यको नाममा कार्यक्रमहरुलाई भद्दा बनाउने प्रचलनलाई रास्वपा युकेले तोडेको बताईन् ।

आफ्नो चार दिने भ्रमणका क्रममा लामिछानेले स्विण्डन स्थित नेप्लिज एसोसियसन अफ वेल्सायरको कार्यक्रममा सरिक हुनुका साथै प्रवास नेपाली संपर्क बिभाग युकेद्वारा मिडल्याण्ड, प्लम्स्टिड र अल्डरशटमा आयोजित बिन्नाभिन्नै अन्तर्कृया कार्यक्रममा उपस्थित भई स्थानिय नेपाली समुदायहरुसङ्ग सम्वाद गरेका थिए । बेलायतमा आयोजित सम्पूर्ण कार्यक्रमहरु समापन गरी लामिछाने हिजोनै नेपाल प्रस्थान गरिसकेका छन् ।

प्रतिक्रिया लेख्नुहोस् अथवा व्यक्त गर्नुहोस्
- Advertisement -
neelamb
spot_img

ताजा अपडेट्स

सम्बन्धित खबर