- केदार शर्मा,
चितवन । चितवनको भरतपुरमा पेस्तोलसहित एक जना युवा पक्राउ परेका छन् । जिल्ला प्रहरी कार्यालय चितवनका निमित्त कार्यालय प्रमुख डीएसपी नरहरि अधिकारीका अनुसार भरतपुर महानगरपालिका ८ घर भई हाल भरतपुर ५ मा डेरा गरी बस्ने बर्ष ३२ का प्रकाश बिकलाई पक्राउ गरिएको हो ।
गत जेठ २३ गते जिल्ला भरतपुर–४ बाट कटुवा पेस्तोलसहित भरतपुर–६ बस्ने दीपक पुन मगरलाई फेला पारी प्रहरीले हातहतियार खरखजना कसुरमा अनुसन्धान भइरहेकोमा सोही घटनामा फरार रहेका विकलाई पनि पक्राउ गर्न चितवन प्रहरी सफल भएको हो ।
विकलाई डेरा कोठामा फेला पारी खानतलाशी गर्ने क्रममा कोठावाट कटुवा पिस्तोल थान–१, गोली २ (दुई) राउन्ड, नगद एक लाख चौध हजार, सुनको लकेटसहितको सिक्री थान–१ (एक) र मोवाइलहरु पाँच वटा समेत बरामद गरिएको प्रहरीले जानकारी दिएको छ ।
चितवन अदालतवाट म्याद अनुमति लिइ जिल्ला प्रहरी कार्यालय चितवनको हिरासतमा राखी हातहतियार खरखजना कसुरमा थप अनुसन्धान कार्य भइरहेको डीएसपी अधिकारीले जानकारी दिए ।
