बेलायत ५ भदौ । पारिवारीक भ्रमणका क्रममा बेलायत पुगेकी रास्वपाकी युवा साँसद सोबिता गौतमले हिजो वेल्समा बनिरहेको नेपाली भिलेज परियोजनाको अवलोकन गर्नुका साथै वेल्सका युवा साँसद र मेयरसङ्ग भेटघाट तथा अन्तर्कृया गरेकी छिन् ।
प्रवास नेपाली सम्पर्क बिभाग युकेको आयोजना तथा नेपाली भिलेज( ब्रेकन) परियोजना समितीको संयोजनमा आयोजित सो अवलोकन भ्रमणका क्रममा साँसद गौतमले आफ्नो ब्यक्तिगत भ्रमणका वाबजुद पनि बेलायतमा रहेका नेपालीहरुसङ्ग भलाकुसारी गर्न र नेपालकै गौरवको रुपमा बिकास भईरहेको नेपाली भिलेज परियोजना नियाल्न पाउँदा आफुलाई निक्कै खुशी लागेको बताईन् । आफ्नो श्रीमान् गृहेन्द्र घिमिरे र आमाको साथमा नेपाली भिलेज अवलोकन गर्न पुगेकी साँसद गौतमलाई परियोजनाका प्रवन्ध निर्देशक मेजर खुशीमान गुरुङ्ग, रास्वपा युके बिभागका सहमहामन्त्री यज्ञराज कार्की र धम्पुस- ब्रेकन मितेरी संघका अध्यक्ष तथा पुर्व मेयर डेभिड मेरीडिथकि सहितको टोलीले स्वागत गरेका थिए ।
नेपाली भिलेज अवलोकनकै अवसरमा २८ बर्षिय साँसद गौतमले ब्रेकन सिटि काउन्सिलकी ३० बर्षिय युवा मेयर मिशेला डेभिस र वेल्स कन्जरभेटिभ पार्टीका युवा साँसद तथा छायाँमन्त्री जेम्स ईभान्ससङ्ग भेटवार्ता गरी त्यहाँको बिकास प्रकृयाबारे बुझ्ने कार्य पनि गरेकी छिन् । “मलाई यहाँ आईपुग्दा आफ्नै देशको भूमीमा आए जस्तो महसुष भयो- ठ्याक्कै नेपाल जस्तै…..” नेपालीभिलेजको प्राङ्गणमा उभिंदै आफ्नो अनुभव साट्ने क्रममा साँसद गौतमले भनिन् “……हाम्रो कला र सँस्कृतीलाई जोगाई राख्न यहाँका नेपालीले गरेको यो प्रयत्न अतिनै सर्‍हानीय छ ।”
परियोजनाको अवलोकन पस्चात् मेजर खुशीमान गुरुङ्ग दम्पत्तीद्वारा आफ्नै निवासमा आयोजीत चियापान कार्यक्रममा सहभागी भएकी साँसद गौतमले परियोजनाका ब्यवस्थापक खुशीमान गुरुङ्ग र उहाँकी धर्मपत्नी मन्जु गुरुङ्गको न्यानो आतिथ्यताले आफुलाई परदेशको भुमीमा पनि अतिथी: देवो: भव; को नेपाली भाव जीवन्त रहेको महसुष भएको समेत बताएकी थिइन् । स्मरण रहोस् , वेल्सको ब्रेकन सिटि र नेपालको धम्पुसबिच सन् २०१९ देखि मितेरी सम्बन्ध कायम रहिआएको छ ।
नेपाली भिलेज अवलोकन कार्यक्रममा रास्वपा युके बिभागका कोषाध्यक्ष बाबुराम न्यौपाने ,सदस्य शान्त कुमार गुरुङ्ग र पङ्कज अर्याल सहित परियोजनाका डाईरेक्टरहरु बिक्रम भट्टराई , लोकेन्द्र श्रेष्ठ र योजना निर्देशक कोलिन प्रिस लगायतको सहभागीता रहेको थियो ।